Kryeministri i Shqipërisë, Edi Rama, ka thënë që presidenti i Serbisë, Aleksandar Vuçiq e tha sot hapur se Kosova duhet t’i bashkohet iniciativës së Ballkanit të Hapur.
“Sot, presidenti i Serbisë, Aleksandar Vuçiq më hapur se asnjëherë tjetër e tha që mirëpret Kosovën, njësoj si dy vendet e tjera Bosnjen dhe Malin e Zi në këtë nismë, që do të thotë që kjo deklaratë testohet vetëm nëse Kosova vjen në këtë nismë”.
Rama ka theksuar që kjo nismë është dashur që të lansohet qysh kohë më parë.
“A do të ketë pengesë ose jo – kjo është diçka që e kam thënë që në fillim dhe kam shpjeguar që është që kjo nismë ka qenë një domosdoshmëri kohë më parë se sa të lansohej. Kur ne e kuptuam shumë shpejt që Procesi i Berlinit ishte i destinuar që të kthehej në një proces samitesh dhe deklaratash ,pa pasojë të drejtpërdrejtë zbatimin e atyre që thuheshin”.
“Ky proces ka një vizion që është i Ballkanit të Hapur dhe ka një kornizë që është dhe një set kriteresh që janë të Ballkanit, por nuk është një proces që drejtohet përditë nga ata që janë në Berlin”, ka thënë kryeministri shqiptar.
