Arbitri shqiptar, Enea Jorgji, i cili mban stemën e FIFA-s gjykoi mbrëmjen e djeshme sfidën e Conference League mes Jablonec dhe Cluzh.
Në sfidën e cila u fitua nga vendasit me rezultatin minimal 1-0, protagonist ishte edhe gjyqtari nga Elbasani.
Në minutën e 51-të, Jorgji akordoi penallti për vendasit, pas prekjes me dorë të Kamoras brenda zonës. Ky i fundit u ndëshkua me karton të kuq, teksa miqtë nga Rumania, nuk ishin aspak dakord me vendimin e Jorgjit.
Pilar u tregua i saktë nga pika e bardhë e penalltisë, duke kaluar Jablonecin në avantazh në minutën e 51-të. Për më tepër shikoni pamjet:
