Rexhep Boja, ish-kryetari i Bashkësisë Islame të Kosovës për tri mandate dhe ish-ambasadori i Kosovës në Arabinë Saudite, vdiq në moshën 75 vjeçare pas një sulmi në zemër.
Bashkëpunëtorët e tij po e konsiderojnë humbje të madhe vdekjen e tij, derisa thonë që ai luajti një rol goxha të rëndësishëm edhe si themelues i Fakultetit të Studimeve Islame në Prishtinë.
E sa i përket veprimtarisë diplomatike të Bojajt, ishzëvendësministri i Punëve të Jashtme Ibrahim Gashi po thotë se ai ishte zgjedhja më e mirë e bërë për ta përfaqësuar Kosovën në shtetin arab.
Për vdekjen e Dr. Rexhep Bojajt kanë reaguar dhe shprehur ngushëllime personalitete të ndryshme fetare e politike në vend.
Varrimi i tij pritet të bëhet nesër më orën 13:00.
