Një person i cili ka qenë i burgosur për krime lufte ka ndërruar jetë ditën e premte në QKUK.
Sipas Policisë viktima kishte qenë i burgosur në burgun e Sigurisë së lartë në Gërdovc dhe ishte duke u trajtuar në repartin e Pulmologjisë.
“Nga QKUK është njoftuar se një mashkull ka ndërruar jetë, i njëjti ishte i burgosur në Burgun e Sigurisë së lartë në Gërdovc dhe ishte duke u trajtuar në Repartin e Pulmologjisë”, thuhet në raportin 24 orësh të Policisë së Kosovës.
Me urdhër të prokurorit trupi i pa jetë është dërguar në Institutin e Mjekësisë Ligjore për obduksion.
Rasti është duke u hetuar.
