Gjashtë vajza të mitura në Indi janë zhveshur dhe kanë parakaluar lakuriq si pjesë e një rituali të fshatit për ta thirrur shiun.
Ngjarja ndodhi në një fshat që njihet për thatësi të madhe në rajonin e Bundelkhand të shtetit Madhya Pradesh.
Në videot që u bënë virale në rrjete sociale janë parë të miturat që ecnin lakuriq me një shkop të drurit në shpatullat e tyre i cili kishte një bretkosë të lidhur në të.
Vendasit besojnë se ky ritual do të qetësojë Perëndinë e Shiut dhe do të sjellë reshje në rajon.
Komisioni Kombëtar i Indisë për Mbrojtjen e të Drejtave të Fëmijëve ka kërkuar një raport nga administrata e qarkut Damoh, ku ndodhet fshati.
