Presidentja e Dhomave të Specializuara të Kosovës (Gjykata Speciale) me seli në Hagë të Holandës të martën e të mërkurën po qëndron për vizitë në Kosovë.
Nga Prishtina, Ekaterina Trendafilova, tregoi se pse kjo vizitë do të jetë më ndryshe se të tjerat, njofton Klan Kosova.
Ajo tha se e ka në plan që bashkë me ekip të vizitoj Mitrovicën të mërkurën ku do të takojë përfaqësues të ndryshëm të komunitetit serbë.
Kjo metodë e vizitës qoi mëdyshje se Specialja po vepron në vija etnike, gjë që gjyqtarja bullgare e mohon.
“Unë nuk jam politikane dhe këto çështje ua lë njerëzve profesional që vijnë në Kosovë çdo muaj për të organizuar takim. Unë jam një ushtare, nëse më thonë që duhet të shkoj në Mitrovicë atëherë unë shkoj. Në Prishtinë kamë qenë tre herë, kurse në Mitrovicë asnjëherë. Nëse kemi informacione se qytetar nga atje duan të na takojnë andaj ne duam të shkojmë” tha gjyqtarja bullgare.
Edhe një herë Trendafilova mohoi se ka ndërhyrje politike në punën e Gjykatës Speciale.
Nisur nga ish-presidenti Hashim Thaçi, që mbahet si akuzuar në Hagë është kërkuar që presidentja e DHSK-së të përjashtohet nga kjo pozitë dhe nga detyra e përcaktimit të paneleve gjyqësore të apelit.
“Unë nuk caktoj një gjyqtar sipas dëshirës në ndonjë pale. Kryetarja e Gjykatës ka përgjegjësi për caktimin e gjyqtarëve në panele të ndryshme. Kjo është karakteristikë speciale e ligjit për Dhomat e Specializuara të Kosovë”.
Trendafilova thotë se Specialja e ka të qartë subjektin e ndjekjes penale. Sa për mandatin presidentja sqaron se ai përfundon në momentin kur Këshilli i Evropës njofton qeverinë e Republikës së Kosovës se puna e Gjykatës së veçantë ka përfunduar.
Roli jonë është që të siguroj procedime penale fer, të pavarura, të paanshme dhe efikase .Gjykata ka juridiksion mbi dyshimet për krimet ndërkufitare dhe ndërkombëtare të kryera gjatë dhe pas konfliktit në Kosovë nga 1 Janar 1998 deri më 31 dhjetor 2000.
Në vizitën e saj Ekaterina Trendafilova mes tjerash po shoqërohet nga administratorja e Fidelma Donlon.
