Policia dhe zyrtarët e shëndetit publik në Maqedoninë e Veriut thanë se të paktën 10 persona kanë vdekur dhe shumë të tjerë janë plagosur nga zjarri në spitalin e improvizuar për pacientët me COVID-19.
Zjarri ndodhi të mërkurën vonë në qytetin e Tetovës, ku objekti u ngrit pas një rritje të fundit të infeksioneve në rajon.
Zyrtarët e Ministrisë së Shëndetësisë thanë se personeli mjekësor dhe pacientët e lënduar së bashku me të evakuuarit po transferoheshin në spitalet në kryeqytetin Shkup, rreth 45 kilometra në lindje, raporton AP, transmeton Klankosova.tv.
Shkaku i zjarrit nuk dihet ende, por kryeministri Zoran Zaev tha në një postim në Facebook se zjarri pasoi një shpërthim në vend.
Me më pak se 30 për qind të popullsisë së vendit të vaksinuar plotësisht, Maqedonia e Veriut ka parë një rritje të konsiderueshme të infeksioneve dhe vdekjeve që nga fundi i gushtit.
