Rita Ora asnjëherë nuk e fsheh origjinën e saj, madje çdo herë e tregon me krenari të madhe.
Mirëpo ndryshe nga vajzat e tjera shqiptare që kanë famë ndërkombëtare, Rita Ora thotë se është kosovare. Madje pak kohë më parë ajo i habiti të gjithë pasi shpërndau këngën e Dafinës dhe Taynës në Instastory dhe shkroi: “Pse femrat kosovare janë kaq të papara?”.
Kjo deklaratë nxiti shumë debate ku së fundi Rita është detyruar ta spjegoj këtë.
E ftuar në emisionin “Wired”, këngëtarja i është përgjigjur pyetjeve më të shpeshta të fansave.
“A është Rita shqiptare” – ishte një nga pyetjet.
“Po jam shqiptare por më lini t’ua shpjegoj pak pasi është disi e komplikuar. Kosova është e pavarur tashmë, por nuk ka qenë më parë. Për vite të tëra unë kam thënë që jam shqiptare, jam shqiptare, shqiptare, por aktualisht jam kosovare, megjithatë është pothuajse e njëjta gjë ”, tha Rita.
