Lloyd Austin, Sekretari Amerikan i Mbrojtjes, tha këtë të martë se Ukraina do të marrë së shpejti tanket amerikane M1 Abrams për të ndihmuar kundërofensivën e Kievit kundër Rusisë.
“Kam kënaqësinë të njoftoj se tanket M1 Abrams për të cilat SHBA është zotuar më parë do të hyjnë në Ukrainë së shpejti”, tha Austin në takimin e Grupit të Kontaktit të Mbrojtjes së Ukrainës në Gjermani, transmeton KlanKosova.tv.
Pentagoni kishte njoftuar në janar se 31 tanke M1A2 Abrams do të dorëzoheshin në Ukrainë, por zyrtarët kishin spekuluar se do të duhej rreth një vit për ta bërë këtë.
“Që nga takimi ynë i fundit, ShBA-ja ka angazhuar paketa shtesë sigurie që arrijnë në më shumë se 2 miliardë dollarë. Këto paketa përfshijnë mbrojtje ajrore, municione dhe pajisje për pastrimin e minave të nevojshme urgjente”, shtoi Austin.
*Klikoni KËTU për t´u bërë pjesë e kanalit zyrtar të Klan Kosovës në Viber.
*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
