Turneu i Superkupës së Kosovës i organizuar nga Federata e Basketbollit e Kosovës (FBK) përfundoi me sukses.
Nga 1 deri më 5 shtator, u zhvilluan gjithsej shtatë përballje interesante, ku në fund triumfoi Prizreni 16, derisa MVP u shpall Arti Hajdari.
Ndeshjet e Superkupës dhuruan spektakël, emocione dhe adrenalinë.
Ky ishte edhe një organizim i suksesshëm nga FBK, dhe falë mbështetjes nga partnerët tanë. Takimet u zhvillua me masa të rrepta anti-Covid 19.
“FBK falënderon të gjitha klubet pjesëmarrëse, sponsorët, policinë, mjekët, partnerët medial, Artmotion e Kujtesa dhe të gjithë akterët që morën pjesë në këtë organizim”, thuhet në njoftim.
Ndërkohë, më 15 shtator do të fillojë edicioni i ri në Prince Caffe Superligën e Kosovës, që pritet të jetë shumë interesant.
