Dhomat e Specializuara të Kosovës kanë bërë të ditur se Gjykata Speciale në Hagë ka marrë vendim për zgjatjen e paraburgimit të Pjetër Shalës, ish-eprorit të Ushtrisë Çlirimtare të Kosovës, i cili është në proces gjyqësor nga 16 marsi i vitit 2021 prej momentit kur u arrestua në Belgjikë.
Gjyqtari i procedurës paraprake, Nicollas Guillou, është ai që e ka marrë këtë vendim të premten, transmeton Klankosova.tv.
Në vendim thuhet se deri më 13 tetor të këtij viti mbrojtja e Shalës mundet të paraqes parashtresat e radhës mbi rishikimin e paraburgimit.
