Ministri i Brendshëm i Kosovës, Xhelal Sveçla, po thotë se janë përkushtuar me të gjitha kapacitetet që të zbardhin rastin e vrasjes së dyfishtë në Pejë.
Ai shprehet se siguria dhe mirëqenia e qytetarëve është primare, ndërsa dhe familjarëve të të vrarëve u ka shprehur ngushëllime, njofton Klankosova.tv.
”Sapo më njoftuan se një ngjarje e trishtuar ka ndodhur në qytetin e Pejës ku kemi vrasje të dyfishtë dhe një të plagosur, i cili tashmë është arrestuar.
Siguria dhe mirëqenia e qytetarëve tanë është qenësore. Prandaj, jemi të përkushtuar, që me të gjitha kapacitetet të zbardhim rastin. Ngjarjet e tilla të dhunës me armë duhet të marrin fund. Jam plotësisht i angazhuar për të siguruar që Policia e Kosovës të ketë të gjitha resurset e nevojshme për të zbardhur rastin dhe ofrojë siguri për qytetarët.
Familjeve të të vrarëve iu shpeh ngushllimet e sinqerta”.
