SHBA-ja sanksionon katër zyrtarë të inteligjencës iraniane

Shtetet e Bashkuara kanë shpallur sanksione kundër katër punonjësve të inteligjencës iraniane të cilët planifikuan të rrëmbejnë një gazetare amerikane.

Plani i tyre është parë si një përpjekjeje më e gjerë për të heshtur kritikët e qeverisë në Teheran.

Irani ka hedhur poshtë pretendimet.

Departamenti i Thesarit njoftoi sanksionet më 3 shtator kundër zyrtarit të lartë të inteligjencës së Iranit, Alireza Shahvaroghi Farahani, si dhe tre vartësve të tij Mahmoud Khazein, Kiya Sadeghi dhe Omid Noori.

Farahani drejton një rrjet të agjentëve të inteligjencës të cilat kanë në shënjestër disidentët iranianë në Shtetet e Bashkuara, Mbretërinë e Bashkuar, Kanada dhe Emiratet e Bashkuara Arabe, tha Departamenti i Thesarit në deklaratën e tij.

Këta katër zyrtarë planifikuan të rrëmbenin Masih Alinejad, një aktiviste dhe gazetare irano-amerikane që punon në Nju Jork.

Pas kidnapimit, ata planifikonin ta transportonin atë me skaf në Venezuelë dhe prej aty ta dërgonin në Iran, thuhej në një njoftim të muajit korrik nga Departamenti Amerikan i Drejtësisë.

Katër iranianët akuzohen për komplot në lidhje me rrëmbimin, shkeljet e sanksioneve, mashtrimet bankare dhe pastrimin e parave.

“Komploti i rrëmbimit është një shembull tjetër i përpjekjes së saj të vazhdueshme për të heshtur zërat kritikë, kudo që të jenë”, tha Andrea Gacki, drejtoreshë e Zyrës së Kontrollit të Pasurive të Huaja të Departamentit të Thesarit.

“Kjo tregon se represioni i qeverisë iraniane vepron përtej kufijve të Iranit”, tha ajo.

Sanksionet e vendosura ndaj zyrtarëve të inteligjencës iraniane bllokojnë çdo pronë që ata kanë në Shtetet e Bashkuara, si dhe ndalojnë çdo qytetar amerikan të bëjë transaksione me ta.

Irani më 4 shtator kundërshtoi vendimin amerikan duke thënë se ai pasqyron “varësinë e Uashingtonit nga sanksionet”.

“Tani po përdorin skenarët e Hollivudit për t’i mbajtur gjallë sanksionet”, tha ministria e Jashtme e Iranit në një postim në Twitter më 4 shtator, duke cituar zëdhënësin Saeed Khatibzadeh.

Shtetet e Bashkuara më 2018 kanë vendosur sanksione të ashpra ndaj Iranit dhe janë tërhequr nga një marrëveshje bërthamore të cilën Teherani e kishte arritur me fuqitë botërore dhe e cila kufizonte aktivitetin bërthamor të tij.

Që nga ajo kohë Irani ka filluar gradualisht me moszbatimin e kësaj marrëveshjeje.

Një përpjekje për t’i rikthyer palët në marrëveshje, në Vjenë të Austrisë janë mbajtur disa negociata me ndërmjetësimin e evropianëve, mirëpo ato nuk kanë sjellur ndonjë rezultat.

Ndërtesa e Departamentit amerikan të Thesarit.

Lexo po ashtu

KULTURË

Diplomacia kosovare në Itali dhe prezantimi i vlerave kulturore

4 Qershor, 2023

Vlerat e një shteti dhe qytetarëve të tij janë esenciale nëpasqyrimin e identitetit social, material, shpirtëror dhe kulturorpara botës. Trashëgimia kulturore e Republikës së Kosovës ështëpasuri e madhe dhe e pazëvendësueshme në paralelet e shkëmbimeve ndërkulturore me vendet e pasura që nga kulturakanë krijuar shtyllat e identitetit europjan dhe botëror. Vlen tëpërmendet se Italia në shkallë globale ka krijuar pozitë dhe emërprandaj edhe rastet e prezentimit të vlerave tona kulturore nëgadishullin Apenin mund të kuptohen edhe si sfidë e madhe e përballjes qytetëruese të dy popujve që historia jo rrallë i vuripranë dhe përballë njëri-tjetrit. Mirëpo për diplomacinë kosovare në Itali duket se dëshira e prezentimit të pozitives nga tradita si dhe thyerjes sëparagjykimeve të mbrapambetura që nganjëherë kushtëzojnëvlerësimin objektiv të artit dhe kulturës paralelisht me ofertattjera vlerësuese mbi mundësitë e hapjes dhe bashkëpunimit tëndërsjellë, kohëve të fundit po gjen hapësirë dhe vend. Kështundodhi edhe në qytetin Milano ku konsulli i përgjithshshëm iRepublikës së Kosovës, z.Diamant Kastrati, të dielen me 21 majkishte organizuar një takim publik në Qendrën kulturore-religjioze Ambroziano, ku ishin ftuar miq italianë si dheveprimtarë të dëshmuar të çështjes kombëtare si përfaqësues tëshoqatave kulturore shqiptare, shkollave të mësimit plotësues nëgjuhën shqipe, etj. Në hyrje të sallës mysafirët e nderuar u pritën me respekt dhebujari nga konsujt e nderuar z, Driton Blakçori dhe z.BesnikMaxhera, kurse salla e mbushur plot ishte tregues i interesimit tëmadh për të marrë pjesë në prezentimin e madh të krijimtarisëletrare dhe publicistike të njërit nga personazhet mëemblematike të Kosovës në gjysmëshekullin e fundit, shkëlqesisë së tij Don Lush Gjergjit i cili kishte ardhurnga Kosova në Milano për të promovuar disa nga librat e tijkushtuar figurës së ndritshme të shenjtores dhe nobelistesshqiptare Shën Nënë Terezës. Tubimin e hapi konsulli i përgjithshëm, z.Diamant Kastrati, i cilitha : Është nder i veçantë për mua, të hapë këtë prezantim tëveprave të botuara kushtuar Nënë Terezës, për arsye se vetë faktiqë kemi të bëjmë me një person shumë unik siç ishte NënëTereza, dhe fakti që kemi të bëjmë me një shkrimtar, veprimtartë shquar dhe biograf të Nënë Terezës, siç është Don Lush Gjergji, e bënë këtë ngjarje shumë herë me të rëndësishme dhena mundëson të kujtojmë së bashku, veprën e madhe jetësore tëcilin ajo ia dhuroi njerëzimit”. Me respekt duke folur për punën kolosale të Don Lush Gjergjit, konsulli Kastrati tha se ky prezentim i sotëm është një hap ivogël në krijimin e kujtesës kolektive për Nënën e madhe ShënTerezën shqiptare dhe shprehu mirënjohjen e madhe për autorindhe librat e tij. Prandaj themi me krenari se Nënë Tereza paraqetjo vetëm simbolin e dashurisë, të paqes e humanizmit, por edhenjë fat të madh historik, të cilin ne, pasardhësit e saj, duhet ta kujtojmë çdo ditë e ta themi me zë të lartë se ajo u shndërrua nëfytyrën morale të njerëzimit, duke e shfaqur traditën morale tësaj e të familjes, dhe traditën e popullit të vet shqiptar. Kjo duhet të jetë arsyeja që ne të mos reshtim së theksuari emrine saj, mësimet e saj, personalitetin e saj të jashtëzakonshëm dhetë jemi krenar që botës ia kemi ofruar shembullin e gruasshqiptare të quajtur, Agnesë Gonxhe Bojaxhiu – Nënë Tereza,...