Samsung po bën një hap të madh drejt telefonave inteligjentë me ekran që paloset, duke lansuar modelin e parë, rezistent ndaj ujit, si pjesë e ngjarjes së madhe teknologjike për gjysmën e dytë të 2021.
Telefoni që paloset Galaxy Z Flip3 dhe hibridi i telefonit Z Fold3 u njoftuan të Mërkurën gjatë një ngjarjeje të transmetuar drejtpërdrejt, së bashku me një orë Google Galaxy Watch 4.
Galaxy Z Flip3
Z Flip3 bazohet në suksesin e paraardhësit të tij, Z Flip, (nuk kishte Z Flip2), i cili ka një ekran të madh smartphone 6.7 inç në trupin e një dizajni shumë më të vogël të palosshëm, që të kujton telefonat e viteve 1990.
Telefoni i ri ka një ekran 1.9 inç nga jashtë për njoftime dhe pajisje shtesë, si dhe një ekran më të shpejtë të palosshëm 120Hz brenda. Pajisja është pak më e vogël dhe më e qëndrueshme se paraardhësi i saj me xham më të fortë dhe alumin për t’i rezistuar rënies, plus ka çip më të shpejtë dhe një kamerë të dyfishtë të përmirësuar në anën e pasme.
Galaxy Z Fold3
Z Fold3 po ashtu ka disa risi nga modeli i kaluar. Është bërë nga materiale më të forta, ka një ekran të përmirësuar në formë telefoni 6.2 inç nga jashtë dhe një ekran 7.6 inç katror të tabletës që shpaloset nga brenda. Ekrani i brendshëm është 26% më i ndritshëm se ai në Z Fold2 dhe ka një film të ri mbrojtës që është 80% më i qëndrueshëm, i cili mundëson përdorimin e stilografit të njohur S Pen të Samsung – i pari për një pajisje me ekran të palosshëm që e bën Z Fold3 një zëvendësim të drejtpërdrejtë për super telefonat e njohur të kompanisë Note.
Ekrani i palosshëm gjithashtu ka një nga kamerat e para selfie të fshehura direkt nën ekran, duke hequr nevojën për një nivel ose vrimë në ekran që ajo të shihet. Pajisja hibride është gjithashtu më e hollë, më e lehtë, ka procesorë më të shpejta dhe një kamerë të trefishtë të përmirësuar në anën e pasme.
Përparimi më i madh për dy pajisjet e palosshme është futja e rezistencës ndaj ujit ndaj standardit IPX8 prej 1.5 metrash ujë deri në 30 minuta, duke arritur të përputhet me konkurrentët kryesorë standardë të smartphone -ve pavarësisht se ka shumë pjesë lëvizëse.
Z Flip3 do të kushtojë 1,049 €, ndërsa Z Fold3 do të kushtojë 1,799 €, dhe do të jenë në dispozicion nga 27 gushti.
Galaxy Watch4
Samsung gjithashtu zbuloi Galaxy Watch4 dhe Watch4 Classic, të cilat i zhvilloi me Google për të rifilluar përpjekjet e orëve të mençura të krijuesit Android pas blerjes së Fitbit nga Google. I disponueshëm në dy modele dhe katër madhësi, Watch4 përmirëson modelin e ekranit rrethor të orëve të mençura të mëparshme të Samsung të bazuara në Tizen me ekrane me rezolucion më të lartë, trupa më të hollë dhe procesorë më të shpejtë, ndërsa mban kontrolluesit e njohur të kornizave rrotulluese.
Orët e reja janë pajisjet e para që përdorin softuerin e ri Wear OS 3, i cili përmban një përzierje të aplikacioneve dhe shërbimeve të Samsung dhe Google, duke përfshirë Google Maps, ndihmësin e Bixby të Samsung, Samsung Pay dhe aplikacionet e palëve të treta duke përfshirë mbështetjen offline Spotify.
Një grup i trefishtë i sensorëve në anën e pasme matin rrahjet e zemrës, ritmin e rrahjeve të zemrës (EKG), oksigjenin e gjakut dhe një sistem të ri të përbërjes së trupit, të aftë për të matur përqindjet e muskujve, yndyrës dhe ujit, të ngjashme me disa peshore të teknologjisë së lartë. Watch4 ka përcjellje të avancuar të gjumit, duke përfshirë zbulimin e gërhitjes dhe gjumit, dhe gjurmon 100 aktivitete të ndryshme fitnesi.
Watch4 fillon me çminin prej 269 € dhe do të jetë në dispozicion nga 27 gushti.
Së fundi, Samsung gjithashtu njoftoi një pasardhës të kufjeve të tij të njohura Bluetooth, Galaxy Buds2. Kufjet e reja janë më të vogla, më të lehta dhe më të lira, 149 €, kanë anulim aktiv të zhurmës dhe mënyra të tingullit të ambientit, altoparlantë të veçantë woofer dhe tweeter sidhe ndërrim automatik midis pajisjeve Samsung.
