Eden Hazard dhe Real Madrid ende nuk e kanë parë më të mirën nga njëri-tjetëri, megjithatë belgu tani është gati të rikthehet në form të plotë, ku ka konfirmuar se dëshiron të kthejë mbrapsht parat që madrilenët kanë paguar për shërbimet e tij.
Dëmtimet e kanë shkatërruar karrierën e Hazardit në kryeqytetin spanjoll, deri në atë pikë që mezi ka qenë në gjendje të luajë pesë ndeshje rresht, shkruan Marca, transmeton Klankosova.tv.
Trajneri i ri fizik, Antonio Pintus thuhet se ka bërë mrekulli në gjendjen fizike të belgut dhe tani ai është gati të tregojë veten, veçanërisht me Real Madridin që nuk ka arritur të nënshkruajë me Kylian Mbappen.
“Real Madridi shpenzoi shumë para për mua, unë dua t’i kthejë mbrapsht ato”, tha Hazard në një intervistë për HLN.
“Kam nënshkruar për pesë vjet, dy të parat nuk kanë qenë të mira, por kam edhe tre të tjera për të vërtetuar vlerën time. Shpresoj se funksionon, shpresoj të zgjohem një mëngjes dhe të gjej veten në gjendje perfekte për stërvitje, jam duke pritur për momentin kur mund të dëshmoj vlerën time “.
“Njerëzit mendojnë se jam gjithmonë i dëmtuar, ky është realiteti, por nëse rishikoni karrierën time nuk ka një lojtar që ka luajtur më shumë ndeshje sa unë për më shumë se 10 vjet”, shtoi Hazard.
Hazard u transferua nga Chelsea te Real Madridi për 100 milionë euro.
