Qeveria e Kosovës po mban mbledhje në formë elektronike, nga ku pritet që të vendosen masat e reja anti-COVID-19.
Zëdhënësi i Qeverisë, Përparim Kryeziu e ka konfirmuar lajmin edhe për Klankosova.tv ku ka thënë se mbledhja pritet të përfundojë gjatë pasdites.
“Qeveria është duke e mbajtur një mbledhje elektronike ku do të votohen masat e reja kundër pandemisë. Mbledhja pritet do të përfundojë gjatë pasdites. Me të përfunduar, do të ju njoftojmë për vendimet e miratuara”, ka thënë Kryeziu.
Disa nga masat që priten të votohen sot janë që mësimi për nivelet e arsimit parauniversitar të mos fillojë para 26 shtatorit, institucionet publiket të punojnë vetëm me staf esencial, gastronomia të vazhdojë me masat aktuale, paraqitja e certifikatës së vaksinimit apo të testeve për kovid në pikat kufitare për personat mbi moshën 16 vjeçare, qendrat dhe institucionet kulturore t’i pezullojnë aktivitetet deri më 26 shtator.
