Protesta e Federatës së Sindikatave të Shëndetësisë së Kosovës vazhdoi edhe para objektit të Qeverisë, ku përfaqësuesi – Blerim Syla, adresoi kërkesat ndaj këtij institucioni.
“Të zbatohet ligji i pagave dhe jo të jepet lëmoshë, urgjentisht të merret vendim që ky ligj anti pandemi të vazhdojë deri në aprovim të ligjit të pagave”.
“Po ashtu kërkesa kryesore është që sivjet të miratohet ligji i pagave në bashkëpunim me sindikatat, që janari i vitit 2022 të na gjejë në barazi, në të kundërtën jemi të detyrua t’i përshkallëzojmë veprimet tona”.
“Ligji i pagave është jetik për ne dhe shërbyesit publik”.
Ai para mediave u shpreh se deri me datën 26 do të presin sërish për të parë se çfarë do të bëjë Qeveria, duke thënë të mos i detyrojë që herën e ardhshme të shkojnë më pasivisht aty.
Ndërkaq për fund, protestuesit i ngritën kartonë të kuq ekzekutivit, duke thënë se këto i kanë për menaxhimin rreth pandemisë dhe trajtimit të punëtorëve shëndetësorë.
