Kandidati për kryetar të Prishtinës nga radhët e Lidhjes Demokratike të Kosovës, Përparim Rama, i ka adresuar problemet në lagjet “Dodona” dhe “Kodra e Trimave.
“Lagjja Dodona është në njëfarë mënyre, mos me i thanë katrahurë por edhe është”, ka thënë Rama në emisionin Ju Flet Prishtina.
“Ka probleme shumë të mëdha, parkingu, trafiku, hapësirat publike, njerëzit nuk mujnë me lëvizë lirshëm nëpër rrugë sepse nuk ka trotuare”.
Ai potencoi problemin e pikave komerciale kamionëve komercialë që i bllokojnë rrugët dhe krijojnë trafik të ngjeshur në atë pjesë të lagjes duke ardhur kohë pa kohë.
“Vijnë kohë pa kohë edhe krijon kaos të trafikut aty por edhe pasiguri për prindërit aty”.
“Këtu do të bëhet rregullorja, do të ketë aspekt kohor se kur munden me ardhë kamionët aty”
Rama foli edhe për problemet me të cilat përballet lagja “Kodra e Trimave” duke lënë të kuptohet që nuk i ka hije një lagje të cilën e quajti portë të Prishtinës të ndodhet në situatë të palakmueshme.
“Problemi i Kodrës së Trimave është një pro Rreth 70 për qind e shtëpive aty tyre janë në tokë që është pronë e komunës. Ekziston plani rregullativ i cili prapë duhet të revidohet sepse është i vjetër”.
“Hapësirat publike janë të pasigurta, nuk kanë shtigje për këmbësore e lëre më për naj komunikim alternativ”.
“Ajo është si një portë e qytetit tonë. Kur vjen në Prishtinë edhe vjen nëpërmjet Kodrës së Trimave ajo tregon në një mënyrë se farë niveli jemi ne si shoqëri. Është si pasqyre”.
“Pikë së pari duhet të shqyrtohet aspekti i pronësisë, më pastaj duhet të merren intervenim që të krijohen zhvillime të reja, që të kemi aty hapësira publike hapësira të gjelbra, hapësira rekreative, që njerëzit aty të ndihen të sigurt, sepse për momentin jetojnë në pasiguri të madhe për arsye se vendet ku jetojnë nuk janë legale dhe nuk mund t’i shfrytëzojnë si kolateral për zhvillim të bizneseve apo për edukimin e fëmijëve të tyre”.
