Presidenti i Malit të Zi, Milo Gjukanoviç, arriti sot në Cetinje, ku po mbahet një protestë kundër kurorëzimit të Mitropolitit të Malit të Zi dhe Litoral, Joanikij, në Manastirin e Cetinjes, transmeton Kosova Post.
Gjukanoviç tha më herët se do të vinte në protestën në kryeqytetin malazez më 5 shtator, nëse Kisha Ortodokse Serbe (KOS) nuk heq dorë nga fronëzimi i paralajmëruar në manastirin e Cetinjes. Ai pastaj tha se shpresonte që kërkesa e tij që fronizimi të mbahej në një qytet tjetër, dhe të respektohej vendimi i shtetit malazez, dhe se nuk do të kishte nevojë që ai të ishte në Cetinje këtë ditë./KosovaPost/
