Policia e Kosovës ka shënuar sot 22 vjetorin e themelimit të saj.
Në ditëlindjen e këtij institucioni të sigurisë në Kosovë, kanë marrë pjesë Ministri i Punëve të Brendshme – Xhelal Sveçla, drejtori – Samedin Mehmeti si dhe një numër i kufizuar i pjesëtarëve të kësaj trupe.
Në oborrin e Drejtorisë së Përgjithshme në Prishtinë, u nderuan të gjithë oficerët e rënë në krye të detyrës.
Ministri i brendshëm theksoi se qeveria do t`u qëndrojë pranë gjithnjë policëve, ndërkaq kreu i PK-së apeloi që të punohet me nder dhe të mos shkelet besimi i qytetarëve.
Në ceremoni u kujtuan edhe policët që nuk i mbijetuan virusit, ndërsa më të mirët e këtij viti edhe u dekoruan.
