Qendra për vaksinim në komunën e Shtërpcës nuk punon në vikend.
Pos kësaj edhe ditëve të punës orarin e ka vetëm deri në ora 14:00 meqë, sipas komunarëve, ka mungesë të stafit dhe janë duke funksionuar vetëm me një mjek i cili kujdeset njëkohësisht për procesin e vaksinimit dhe kontrollet e përditshme të pacientëve.
Drejtoria e Shëndetësisë ka deklaruar se e kanë informuar ministrinë e Shëndetësisë në lidhje me këtë telashe dhe i kanë kërkuar staf shtesë, por që deri tash nuk kanë marrë përgjigje.
Tek dikasteri i shëndetësisë thonë se nuk kanë raport zyrtar ditor se sa personave në këtë zonë i janë shtyrë terminët për tjetër ditë, teksa nuk dihet nëse do të ketë mjek tjetër.
QKMF-ja e Shtërpcës nuk iu ka dalë në ndihmë, meqë punojnë me sistemin e Serbisë dhe nuk i përgjigjen atij të Kosovës.
