Një djalë i shkollës fillore u dërgua me urgjencë në spital pasi mori pjesë në një sfidë për TikTok që përfshinte magnetë të vegjël.
Shkolla Fillore Borestone në Stirling ka shpërndarë një postim që informon prindërit për rreziqet e këtyre sfidave pasi Jack, nëntëvjeçar iu desh t’i nënshtrohej ‘kirurgjisë serioze dhe ndryshuese të jetës’.
Nëna e tij e kishte informuar shkollën për incidentin dhe donte që historia e tij të njihej në mënyrë që të paralajmëronte prindërit e tjerë për rreziqet e mundshme të trendit të ri të mediave sociale.
Sfida përfshinte vendosjen e dy topave të vegjël magnetikë në secilën anë të gjuhës që të duken si një shpim i gjuhës. Pastaj, topat lëvizen përreth për të dhënë iluzionin se është e vërtetë.
Nëna, Carolann shpjegoi se si djali i saj u pranua në spital pasi përjetoi dhimbje në bark dhe të vjella të pakontrollueshme të martën e kaluar. Pasi u pranua në Spitalin Mbretëror për Fëmijë në Glasgoë të nesërmen, ultrazëri tregoi se ai kishte copa të vogla metali që bllokonin zorrët e tij.
Pas hulumtimit, u zbulua se këto ishin në fakt magnet. “U zbulua shpejt se ishte magnet, Jack pranoi se i kishte gëlltitur ato”, tha Carolann.
Të nesërmen, mjekët folën me Carolann për ta informuar se çështja ishte urgjente. Ajo tha: “Duke mos kuptuar shtrirjen e asaj që po ndodhte, mua më thanë se këta magnetë duheshin hequr urgjentisht”.
Carolann u paralajmërua se shkalla e dëmit mund të jetë shumë e rëndë dhe kirurgjia ishte e ndërlikuar, kështu që ai mund të mos kalojë.
Aasaj iu tha të ishte e përgatitur se gjithçka mund të ndodhë, dhe iu kërkua të nënshkruante pëlqimin e saj. Pas një pritjeje prej katër orësh për të përfunduar operacioni, nëna u informua se Jack e kaloi me sukses. Carolann më pas i ka kërkuar shkollës që të edukojë fëmijët mbi rreziqet e këtyre sfidave që mund të çojnë shumë lehtë në vdekje.
Për fat të keq, Jack nuk është fëmija i vetëm që është shtruar në spital mbi këto magnete. Të paktën 65 fëmijë u shtruan në spital për kirurgji urgjente në tre vitet e fundit pasi gëlltitën këto magnete, transmeton Klankosova.tv.
