Mërgim Berisha pritet të transferohet te klubi turk Fenerbahçe nga Salzburgu.
Nga mediat turke është duke u raportuar se marrëveshja në mes lojtarit dhe dy klubeve është arritur dhe pritet të zyrtarizohet gjatë ditës së sotme, shkruan haberler, transmeton Klankosova.tv.
Përvec Berishës, klubi turk do të nënshkruaj edhe me mesfushorin gjerman Max Meyer, që siç thuhet nga mediat turke, të dytë kanë udhëtuar drejt Stambollit me aeroplan privat për t’i zhvilluar testet mjekësore.
Berisha në sezonin e kaluar me Salzburgun ka shënuar 22 gola dhe 14 asistime në 42 ndeshje zyrtare.
Pjesë e klubit turk më herët ishte edhe futbollisti i Kosovës, Vedat Muriqi, i cili pasi shkëlqeu aty u transferua drejt Lazios për 20 milionë euro.
