Dialogu me talibanët nuk do të thotë që ne i njohim ata, tha sot presidenti iu Francës Emmanuel Macron.
“Ky dialog (me talebanët) është i nevojshëm për shkak të evakuimit. Talibanët kontrollojnë Kabulin dhe territorin e Afganistanit, kështu që ne duhet të zhvillojmë bisedime. Por kjo nuk do të thotë që ne i njohim ata. Ne kemi përcaktuar kushtet për ta,” tha Macron për televizionin francez TF1.
Sipas tij, kushtet e vendosura ndaj talibanëve kanë të bëjnë me respektimin e të drejtave të njeriut dhe “dinjitetin e grave afgane”.
Macron konfirmoi të shtunën se Franca ka filluar bisedimet me talibanët mbi operacionet humanitare dhe vazhdimin e evakuimeve nga Afganistani.
