Një kosovar është ankuar rreth shpenzimeve në aplikim për viza, ku përmes një fotografie ka treguar se ky aplikim i ka kushtuar atij 192 euro.
Ai e postoi këtë fotografi në rrjetin social Twitter, dhe e etiketoi Bashkimin Evropian, duke thënë se ‘Nëse jam vonë në takimin për vizë nesër, kjo është sepse jam shumë i zënë duke qarë”
Lidhur me këtë i reagoi edhe eurodeputetja Viola Von Cramon, e cila u pajtua duke thënë se “Me të vërtet, ajo është. Përshëndetje nga Kuvendi i Kosovës”.
Cramon ia bashkëngjiti fotografinë drejtpërdrejt nga Kuvendi i Kosovës, ku u mbajt takimi i VII i Komisionit Parlamentar për Stabilizim-Asociim BE – Kosovë.
Në këtë takim u diskutua për dialogun Kosovë-Serbi dhe liberalizimin e vizave për kosovarët.
