Suzana Hashani nga KosovaPress foli për shikuesit e Klan Kosovës se si kanë arritur të futen në Shoqatën e Agjencive Ballkanike të Lajmeve ABNA-SE, duke thënë se është fat i madh për vendin tonë që tani kanë mundësi t’i sjellin përfaqësuesit e mediave të 12 shteteve në Kosovë.
“Në mesin e tyre janë edhe media të shteteve që nuk na njohin ende, dhe është rëndësia shumë e madhe që ne jemi pjesë e kësaj organizate ose që ata të vijnë në Kosovë. Është shumë mundësi e mirë për Kosovën”.
“Mbrëmë veçse e kemi hapur një gala darkë për gjithë këta mysafirë dhe i kemi pritur ashtu siç dimë ne”.
“Shtetet anëtare përbëhen nga Kosova, Shqipëria, Maqedonia, Mali i Zi, Bullgaria, Greqia, Rumania, Bosnja, etj. Janë 12 shtete anëtare, 3 janë vëzhguese”.
“Sivjet nikoqirë jemi ne. Sot e kemi agjendën tërë ditën me panele, ku do të diskutohet për temat e bashkëpunimit rajonal, për lajmet e rrejshme, sa ka qenë fokusi në kohën e pandemisë dhe zhvillimi i tyre në kohën e COVID-it, vetëbesimi po ashtu – duke e pasur parasysh se çfarë lajme qarkullojnë çdo ditë online e sa të shpejta janë, por se sa janë të sakta nuk po e dimë”, deklaroi Hashani.
