Departamenti i gazetarisë i Universitetit të Prishtinës sot u bë me pajisje të reja teknike, të cilat i ka dhuruar KFOR-i.
Drejtuesit e këtij fakulteti thanë se pajisjet që u sollën do të ngrisin kapacitetin teknik në MEDIALAB dhe njëherësh do të krijojnë për studentët mundësi të reja praktike me teknologjinë më të fundit.
Profesoresha e kësaj njësie akademike, Remzije Shahini Hoxha, tha se KFOR-i përveç që ka ndihmuar në shtetndërtimin e Kosovës, tashti po ndihmon edhe shoqërinë me objektivitetin e mediave dhe shpejtësinë e informimit.
