Katari është duke negociuar me talibanët për të rihapur aeroportin e Kabulit sa më shpejt të jetë e mundur, tha ministri i jashtëm i vendit.
Katari po u kërkon gjithashtu talibanëve të lejojnë afganët të largohen, shtoi ai.
Aeroporti Ndërkombëtar “Hamid Karzai” ishte vend i kaosit pasi kishte fluks të madh të njerëzve që dëshironin të largoheshin. Aeroporti aktualisht është jashtë funksionimit.
“Shpresoj se në ditët e ardhshme do të dëgjojmë disa lajme të mira”, tha Ministri i Jashtëm i Katarit Shejh Mohammed bin Abdulrahman al-Thani në një konferencë në Doha.
Një fluturim që mbante një ekip teknikësh nga Katari u bë avioni i parë që u ul në Kabul që nga përfundimi i evakuimeve të mërkurën.
