AAK e ka nisur fushatën zgjedhore në kryeqytetin e Kosovës, mirëpo jo në mënyrën tradicionale.
Ramush Haradinaj ka theksuar se kanë zgjedhur një mënyrë alternative për të komunikuar me qytetarët për t’u treguar programin e AAK-së dhe njerëzit që ofrohen për ta.
”Jemi betuar që do të jemi me qytetarët, prandaj kuptohet që vetvetiu vjen Prishtina e para. Partia që ka pasë më së paku e më së shkurti përgjegjësi për vendin në momentin e parë të mundësisë së vet e ka fuqizuar Ligjin për Kryeqytetin. Ajo parti është partia juaj. Sot koncepti juaj politik është ballëhapur, sepse shkon te qytetari i kryeqytetit në emër të Ligjit për Kryeqytetin”.
Haradinaj ka lavdëruar kandidatin e partisë së tij për kryeqytetin, derisa ka thumbuar kundërkandidatët e Daut Haradinajt.
“Nga 17 tetori me besimin e qytetarëve të Prishtinës bëhet realitet Ligji për Kryeqytetin.
Kandidatët tjerë për kryetarë në Prishtinë nuk janë të zotë as me i largu qentë endacak që po rrezikojnë qytetarët përditë e që ka shumë gjithandej”.
