Kryetari i Lidhjes Demokratike të Kosovës, Lumir Abdixhiku, vlerëson se Instituti Kombëtar i Shëndetit Publik është shndërruar në instrument të pushtetit aktual.
“Trupat e kapur – me vullnet apo presion pa dallim – në vend të shëndetësisë, kanë vendosur të merren me politikë. Rekomandimi nuk u kërkua por u dha me porosi. Ashtu siç e paralajmëroi ditë më parë pushteti, ashtu siç po i duhet sot pushtetit. Dështimi katastrofal pandemik, nuk guxon të prekë demokracinë. E kemi të shenjtë”.
“Prandaj dhe zgjedhjet nuk guxon t’i prekë askush. Vullneti i lirë qytetar është mbi çdo institucion. Suprimimi i demokracisë është kufiri që se kapërcejmë dot. Kushdo që shërben në këtë drejtim do të mbaj përgjegjësi”, është shprehur Abdixhiku, transmeton Klankosova.tv.
Ai ka theksuar se Kosova ka mbajtur zgjedhje në pandemic dhe se vendet fqinje po mbajnë zgjedhje tani.
“Një ditë zgjedhje për demokracinë është e paalternativë. Fushata është shkurtuar; KQZ është e përgatitur; data e zgjedhjeve nuk mund të ndryshojë. Të kujdesemi për shëndet, të japim shembull, të organizojmë një proces fer – por proces me 17 tetor do të ketë. Frikën e pushtetit për dështimin masiv, s’mund ta shërojmë; por demokracinë, lirinë e votës suaj, do ta mbrojmë”.
Reagimi i Abdixhikut ka të bëjë me rekomandimin e IKSHPK-së për shtyerjen e zgjedhjeve lokale.
