Deputeti i Kuvendit të Kosovës, Haxhi Avdyli ka zhvilluar së fundi një takim me ministrin e Shëndetësisë, Arben Vitia, përcjell KosovaPost.
Pas kësaj, Avdyli i cili me profesion është mjek u deklarua lidhur me situatën e krijuar si pasojë e përhapjes së virusit COVID-19.
Duke u munduar të lavdërojë punën e ministrità Vitia, Avdyli ka fajësuar Institutin Shëndetësorë Publik të Kosovës kinse për mos paralajmërimin e hershëm lidhur me situatën epidemiologjike.
Madje i njëjti tha se mangësitë që janë identifikuar janë mos paralajmërimin i hershëm nga IKSHPK, punën më të madhe të institutit në prevenim, hartimin e studimit të situatës dhe angazhimin e tyre më të madh në sqarime, informim e edukim të qytetarëve.
Por Haxhi Avdyli me këtë rast nuk hezitoi të thur vargje për ministrin Vitia duke e quajtur njeri që ka njohuri të thellë rreth situatës e që është i impenjuar 24 orë, bashkë me stafin e MSh-së për përballim e gjendjes së krijuar.
Postimi i plotë:
Në takimin e mbrëmjes së sotshme me Ministrin e Shëndetësisë Arben Vitia , bashkë me Kryetaren e komisionit Fatmire Mulhaxha Kollçaku , trajtuam ecurinë e deritashme situatës shëndetësore në vend. Nga sqarimet gati 3 orë nga Ministri jam më optimist në përballimin e gjendjes së rënduar me pandeminë.
Situata aktuale fletë se :
1.Vaksina do ketë mjaftueshëm e në vazhdimësi për një vaksinim masiv deri 60% e më shumë.
2. Spitalet edhe pse të ngarkuar si asnjëherë, po përballojnë këtë fluks. Ska pacient që nuk po merr trajtimin e duhur.
3. Furnizimi me Oksigjen shumë më i mirë, me oksigjenim qendror me cisterna e metoda tjera.
4. Furnizimi me barna shumë i përmirësuar. Dyfishim i buxhetit për barna.
4. Mobilizim dhe angazhim i stafit të ri infermieror e mjekë, deri në mbi 1000 e më shumë.
5. Menaxhmenti në klinika e mjekët të mobilizuar që të përballohet situata e rënduar.
6 . Kemi një ministër që ka njohuri të thella rreth situatës, e që është i impenjuar 24 orë, bashkë me stafin e MSh për përballimin e kësaj gjendje të renduar.
7. Kemi një qeveri që tërë resurset e shtetit ka vendosur në shërbim të përballimit të statusit të keqësuar shëndetësor të popullatës.
-Mangësitë që u identifikuan mbesin në mos paralajmërimin e hershëm nga IKSHPK, punën më të madhe të institutit në prevenim, hartim e studim të situatës epidemiologjike dhe angazhim të tyre me të madh në sqarime , informim e edukim të qytetarëve nga ana eksperteve të shendetit publik. Poashtu kërkohet angazhim më të madh të inspektoratave për përcjelljen të respektimit të masave anti kovid nga ana qytetarëve.
