Kryetari i Partisë Demokratike të Kosovës, Memli Krasniqi, bashkë me kandidaten për kryetare të komunës së Gjakovës, kanë prezantuar sonte programin qeverisës për Rogovën e Hasit.
Ai ka thënë se Hasi është vend me potencial e mundësi të mëdha për turizëm, ndaj dhe PDK, është e kpërkushtuar për një projekt politik bashkë me banorët e kësaj ane, përcjell Klankosova.tv.
”Në Rogovë të Hasit me kandidaten tonë për kryetare të Gjakovës, Arbënesha Kuqi, paraqitëm vizionin dhe programin tonë për këtë pjesë të Gjakovës për katër vitet e ardhshme.
Hasi, një vend me potencial e mundësi të mëdha për turizëm, vazhdon të mbes i pazhvilluar, sepse është lënë në harresë nga qeverisjet e deritanishme. Por, Partia Demokratike e Kosovës është e përkushtuar për të nisur e ndërtuar një projekt politik, së bashku me banorët e kësaj ane.
Më 17 tetor, banorët e Hasit duhet ta mbështesin Arbënesha Kuqin për qeverisje zhvillimore e vizionare, për një të ardhme më të mirë e me mundësi të barabarta për të gjithë qytetarët e Gjakovës”.
