Anëtari i Kryesisë së Lidhjes Demokratike të Kosovës, Muhamet Hamiti, ka ftuar qytetarët e Prishtinës, që të votojnë për kandidatin e kësaj partie Përparim Rama.
Përmes disa postimeve në Facebook, Hamiti ka thënë se prishtinasit do të votojnë për ndryshimin në kryeqytet.
“Më 14 nëntor, pasnesër, votuesit do të votojnë për ndryshim në Prishtinë, në kryeqytetin e Republikës sonë të dashur, në Prizren, në kryeqytetin historik të shqiptarëve, në Podujevë e në Junik. Për qeverisje demokratike në Gjilan, në Fushë Kosovë, në Viti, në Vushtrri. Kudo!”, ka shkruar Hamiti.
Në një postim tjetër, ai i është referuar Ramës si kryetar i ri i Prishtinës, teksa ka publikuar një fotografi nga me kandidatin e LDK-së për të parin e kryeqytetit.
“Me kryetarin e ri të Prishtinës nga 15 nëntori. Përparimi për Prishtinën. #PR4PR”, ka shkruar anëtari i LDK-së.
