Nënkryetarja e Partisë Demokratike të Kosovës, Vlora Çitaku, i ka reaguar zëvendëskryeministrit Besnik Bislimi pas deklaratës se janë pajtuar me Serbinë për hapjen e arkivave shtetërore.
Çitaku ka thënë se kjo është një grackë e rrezikshme, me pasoja të frikshme, përcjell Klankosova.tv.
“Zoti Bislimi, për cilat arkiva e ke fjalën? Arkivat e Beogradit për UÇK-në? Ato tashmë janë në Hagë. Arkivat e Kosovës për UÇK-në? Apo arkivat e fabrikuara nga të tjerët për UÇK-në?”
“Ju a po mendoni që me pasë pasë UÇK arkiva të tilla ato nuk kishin dalë tashmë?!!! Kjo është një grackë e rrezikshme, me pasoja të frikshme. Me veprimet tuaja të papërgjegjshme tashmë keni pranuar atë për të cilën Serbia ka akuzuar Kosovën dhe UÇK-në për vite të tëra”, ka shkruar ajo.
