Paris Saint-Germaini është mysafir i Club Brugge në ndeshjen e xhiros së parë të fazës grupore të Ligës së Kampionëve.
Sfida që zhvillohet në Jan Breydel Stadion është e vlefshme për Grupin A, ndërsa skuadra franceze është favorite për pikë të plota.
Trajneri i ekipit vendas, Philippe Clement, do të përpiqet që t’ia prishë planet homologut të tij te skuadra mysafire, Mauricio Pochettino.
Nga minuta e parë luan Lionel Messi, së bashku me Kylian Mbappe dhe Neymar.
Formacioni startues i Club Brugge: Mignolet; Balanta, Hendry, Nsoki; Mata, Vormer, Vanaken, Sobol; Lang, De Ketelaere, Sowah.
Formacioni startues i Paris Saint-Germainit: Keylor Navas; Hakimi, Marquinhos, Kimpembe, Diallo; Ander Herrera, Paredes, Wijnaldum; Messi, Mbappé, Neymar.
