Lajmim
  • LAJME
  • RAJONI & BOTA
  • EKONOMI
  • KULTURË
  • SPORT
  • SHËNDETËSI
No Result
View All Result
  • LAJME
  • RAJONI & BOTA
  • EKONOMI
  • KULTURË
  • SPORT
  • SHËNDETËSI
No Result
View All Result
Lajmim
Ballina TECH

Europarlamentari gjerman thirrje qeverisë Kurti: Dëshmoni se keni vullnetin për reforma

lajmim.com nga lajmim.com
2 vjet më parë
në TECH
A A
Europarlamentari gjerman thirrje qeverisë Kurti: Dëshmoni se keni vullnetin për reforma
Share on FacebookShare on Twitter

Kryetari i delegacionit të Parlamentit Evropian, Romeo Franz deklaroi sot se Kosova është në fazë të hershme të luftimit të korrupsionit dhe kjo pengon zhvillimin ekonomik të vendit, derisa apeloi te qeveria që të dëshmojë vullnetin për reforma, në mënyrë që të kthejë besimin e qytetarëve te institucionet.

Në sesionin e dytë të punës në takimin e shtatë të Komisionit parlamentar për Stabilizim-Asociim BE-Kosovë, Franz tha se përkundër ligjeve të mira që i ka Kosova, ende mungon zbatimi i tyre.

Ai u kujtoi deputetëve të Kuvendit të Kosovës se ende nuk është miratuar “Pako legjislative për luftën kundër korrupsionit” dhe “Kodi i rishikuar penal”.

“Njëra nga problemet kryesore mbetet korrupsioni, fatkeqësisht. Një sistem i tërë është i afektuar nga korrupsioni. Kjo e pengon zhvillimin ekonomik të këtij vendi. Kosova është në fazë të hershme të luftimit të korrupsionit. Në ‘Raportin e Progresit’ ka pasur përmirësime për luftimin e rasteve të mëdha dhe këtë e vlerësoj si shumë pozitive. Kjo është bërë falë prokurorëve specialë… Këta janë hapa të vegjël pasi korrupsioni në Kosovë është i përhapur gjerësisht dhe kjo na shqetëson të gjithë ne. I bëj thirrje qeverisë së re, vullneti i qartë politik është esencial për të luftuar riskun sistematik të korrupsionit në mënyrë efikase dhe për të mundësuar përgjigje të qartë ndaj akteve kriminale. Për këtë, është esenciale që të kemi institucione të fuqishme, të pavarura që nuk pranojnë ndikim politik. ‘Pako legjislative për luftën kundër korrupsionit’ dhe ‘Kodi i rishikuar penal’ nuk janë miratuar ende. Qeveria duhet ta dëshmojë vullnetin për reforma, pasi që kjo është mundësia e vetme që ata të kthejnë besimin e qytetarëve në shtetin e tyre dhe në institucionet e shtetit”, tha ai.

Ai tha se shoqëria civile në Kosovë ankohet për mungesë të profesionalizmit dhe se “Raporti i Progresit” e konfirmon këtë vlerësim, derisa ftoi për përmirësimin e sistemit gjyqësor, pasi siç tha ai, është shumë i ngadaltë.

Deputetja Arbëreshë Kryeziu – Hyseni tha se Bashkimi Evropian po përdorë standarde të dyfishta për liberalizimin e vizave për Kosovën.

“Për Kosovën po përdoren standarde të tjera, apo thënë më ndryshe, standarde të dyfishta. Nëse të gjitha këto shtete kanë fituar liberalizimin duke e pasur nivelin e korrupsionit shumë më të lartë sesa e ka Kosova sot, atëherë pse duhet të vazhdojmë të jemi të izoluar? Vlerësoj se nuk është e drejtë që pas përmbushjes së të gjitha kushteve për liberalizim, përfshirë kushtet e reja të vendosura ndaj nesh, të cilat nuk janë vendosur ndaj asnjë shteti tjetër, e sidomos pasi që KE dhe PE dhanë dritën e gjelbër për liberalizim. Kjo të sjellë në konkluzionin se Kosova nuk po trajtohet si e barabartë me të gjitha shtetet e tjera të Ballkanit perëndimor e të mos flasim për shtetet anëtare të BE, gjithmonë sa i përket kritereve të anëtarësimit”, tha ajo.

Franz para deputetëve të Kuvendit të Kosovës, tha foli edhe për mjedisin dhe energjinë e gjelbër, derisa theksoi se është shumë e rëndësishme që të rritet vetëdija e qytetarëve për mjedisin.

“E kemi edhe ndotjen e ajrit dhe të ujërave. Kemi probleme me menaxhimin e ujërave të zeza dhe nuk është duke u bërë mjaftueshëm për trajtimin e tyre. Kjo çështje duhet të zgjidhet në mënyrë të menjëhershme për të pasur ujë të pijshëm për të gjithë njerëzit e Kosovës. Janë disa rregullore, por zbatimi është i mangët. Mbeturinat përfundojnë në deponi të paligjshme në shumicën e rasteve dhe kjo mund të rregullohet përmes rregulloreve… Është shumë e rëndësishme që të rrisim vetëdijen e qytetarëve për problemet mjedisore”, tha ai.

Deputetët u pajtuan se dekarbonizimi, energjia solare dhe energjia e gjelbër duhet të jenë rruga e Kosovës.

Me këtë rast u miratua deklarata e takimit të shtatë, ndërkohë u vendos që takimi i radhës i Komisionit Parlamentar për Stabizilim-Asociim të mbahet në mars të vitit 2022, në Strasburg. 

Lexo po ashtu

Franca ndalon shitjen e këtij modeli të iPhone, shkak rrezatimi i lartë
TECH

Franca ndalon shitjen e këtij modeli të iPhone, shkak rrezatimi i lartë

5 ditë më parë
Airbnb heq 59 mijë llogari të rreme nga platforma
TECH

Airbnb heq 59 mijë llogari të rreme nga platforma

1 javë më parë
Inteligjenca artificiale paraqet “rrezik dhe mundësi për gazetarinë”
TECH

Inteligjenca artificiale paraqet “rrezik dhe mundësi për gazetarinë”

1 javë më parë
Zbulohet çmimi i kufjeve Samsung Galaxy Buds FE
TECH

Zbulohet çmimi i kufjeve Samsung Galaxy Buds FE

2 javë më parë
Të gjitha modelet e iPhone 15 kanë bateri me kapacitet pak më të madh se paraardhësit e tyre, zbulohen kapacitetet e sakta
TECH

Të gjitha modelet e iPhone 15 kanë bateri me kapacitet pak më të madh se paraardhësit e tyre, zbulohen kapacitetet e sakta

2 javë më parë
iPhone 15 erdhi – a ia vlen?
TECH

iPhone 15 erdhi – a ia vlen?

2 javë më parë
autostrada angli
Lajme

Incident i madh në Angli pasi një autobus shkolle u përmbys në autostradë

29 Shtator, 2023

Incidente të mëdha janë deklaruar pasi një autobus shkolle u përmbys në aksident në një autostradë në Merseyside të Anglisë,...

Read more
liburn aliu

Aliu: Nga sot do t’i ndërlidhim me rrugë të reja fshatrat në kufi Kosovë-Shqipëri

29 Shtator, 2023
Britania e papërgatitur për zjarret në rritje

Britania e papërgatitur për zjarret në rritje

29 Shtator, 2023
pema me fame boterore

Lirohet me kusht djali i arrestuar pas prerjes së pemës me famë botërore

29 Shtator, 2023
1561 gjoba gjatë një jave për kundërvajtësit në trafik në Rajonin e Gjilanit

1561 gjoba gjatë një jave për kundërvajtësit në trafik në Rajonin e Gjilanit

29 Shtator, 2023
  • LAJME
  • RAJONI & BOTA
  • EKONOMI
  • KULTURË
  • SPORT
  • SHËNDETËSI

© 2021 Lajmim.com - Developed by UX Solutions.

No Result
View All Result
  • LAJME
  • RAJONI & BOTA
  • EKONOMI
  • KULTURË
  • SPORT
  • SHËNDETËSI

© 2021 Lajmim.com - Developed by UX Solutions.