Emerson Royal po i bënë testet mjekësore në Tottenham përpara transferimit të tij nga Barcelona.
Sky Sports News raportoi të hënën se një ofertë me vlerë 30 milionë eurosh u bë për mbrojtësin e djathtë, i cili që atëherë është pranuar dhe kanë rënë dakord edhe për kushte personale.
Arsenali gjithashtu ishte i etur për të nënshkruar Emersonin, por preferenca e 22vjeçarit ishte të transferohej te Spurs, përcjell Klankosova.tv.
Trajneri i Tottenhamit, Nuno Espirito Santo shpresonte të forconte opsionet e tij në mbrojtje, pasi kishte luajtur me Japhet Tanganga në krahun e djathtë në ndeshjen hapëse të Premier Ligës.
Braziliani Emerson iu bashkua Barcelonës në vitin 2019 nga Atletico Mineiro. Ai më pas u transferua në Real Betis, por u kthye në Nou Camp këtë verë kur Barcelona ushtroi një klauzolë të blerjes.
22vjeçari ishte i rregullt nën drejtimin e Manuel Pellegrini dhe ndihmoi Betisin të arrinte në Europa Ligë sezonin e kaluar.
