Lojtari I Genkut Bastien Toma në një intervistë ekskluzive për kosova.info ka demantuar raportimet e fundit të mediave të ndryshme vendore e të huaja, të cilat raportuan se Bastien Toma Kosovën e sheh si “gomë rezervë” dhe se dëshira e tij është të luaj për Zvicrën.
Bastien Toma ekskluzivisht për kosova.info ka deklaruar se lajmet e fundit të cilat kanë qarkulluar në shumicën e mediave vendore janë të pa vërteta, e vërteta sipas Tomës është se ai për mediumin zviceran “RhoneFM” ka deklaruar që ende nuk ka vendosur se cilin ekip kombëtar ta përfaqësoj dhe se qëllimi kryesor për momentin është fitimi i një vendi titullar në ekipin e tij Genk, shkruan kosova.info.
Toma ka deklaruar që ende nuk pa pasur asnjë takim zyrtar me asnjërën kombëtare, mirëpo një takim me përfaqësues të Federatës se Futbollit të Kosovës mund të ndodh së shpejti./kosova.info
