Presidenti amerikan Joe Biden ka njoftuar mbrëmjen e së premtes se nënshkroi një urdhër ekzekutiv që do të deklasifikojë dokumentet që lidhen me hetimin e FBI -së për 11 Shtatorin. Lajmi vjen vetëm disa ditë para se vendi të shënojë 20 vjetorit të sulmit.
Biden tha se ai po drejton departamentin e drejtësisë të mbikëqyrë një shqyrtim të deklasifikimit të dokumenteve që lidhen me hetimin. Urdhri kërkon që Prokurori i Përgjithshëm të lëshojë dokumentet e deklasifikuara gjatë gjashtë muajve të ardhshëm.
Familjet e viktimave të 11 shtatorit po padisin qeverinë saudite në një gjykatë federale në Nju Jork për përfshirjen e supozuar në sulm dhe kanë treguar se duan informacion se kush i financoi dhe i mbështeti sulmet.
Ata janë shprehur se një premtim i mëparshëm nga FBI për lirimin e disa dokumenteve nga hetimi nuk ka shkuar aq larg sa duhet dhe kërkuan një rishikim më gjithëpërfshirës të deklasifikimit.
Familjet e viktimave i kanë bërë presion presidentit që t’i nënshtrohet një rishikimi të deklasifikimit, duke paralajmëruar se nëse nuk veprohet, ata do të “kundërshtojnë publikisht çdo pjesëmarrje të administratës së tij në çdo ceremoni përkujtimore të 11 shtatorit.
