Kandidati i LDK-së për kryetar të Prishtinës, Përparim Rama, i është drejtuar kryeqytetasve për ta votuar të dielën, ku po përballet në balotazh me kandidatin e LVV-së Arben Vitia.
Në Facebook ai e ka postuar një video, ku mes tjerash thotë se vizioni i tij për Prishtinën është i realizueshëm dhe se do ta transformojë jetën e secilit banor.
Të dashur banorë, në qytet e në secilin fshat,
Ju tashmë e keni të qartë vizionin tonë për Prishtinën: Prishtinë e transformuar. E mirëmenaxhuar. Prishtinë e të gjithë qytetarëve!
Ky vizion është krejt i realizueshëm, e do ta transformoj jetën e secilit banor. E vë veten 100 për qind në shërbim të kryeqytetit e të menaxhimit të denjë që ai e meriton. Dhe ju të dashur banorë e dini cili është emri i transformuesit. Është emri juaj.
Më 14 nëntor dilni e votoni për zhvillimin e mbarë që po e pret kryeqytetin.
