Disa emigrantëve në Danimarkë tani do t’u kërkohet të punojnë deri në 37 orë në javë në mënyrë që të marrin përfitime sociale nga shteti.
Orët e punës do vlejnë vetëm për ata emigrantë të cilën nuk e kanë mësuar gjuhën daneze dhe që jetojnë nga të ardhurat e shtetit.
Kryeministrja e vendit, Mette Frederiksen, deklaroi se rregullat vlejnë direkt për gratë të cilat janë me “prejardhje jo-perëndimore” dhe që jetonin nga përfitimet e shtetit.
“Ne duam të prezantojmë një logjikë të re të punës ku njerëzit kanë për detyrë të kontribuojnë dhe të jenë të dobishëm, dhe nëse nuk mund të gjejnë një punë të rregullt, ata duhet të punojnë për të ndihmuar veten e tyre”. u tha Frederiksen gazetarëve, shkruan BBC, transmeton Klankosova.tv.
“Për shumë vite ne kemi bërë një shërbim të keq ndaj shumë njerëzve duke mos kërkuar asgjë prej tyre,” tha Frederiksen para gazetarëve.
Danimarka vazhdimisht i ka ndryshuar politikat e saj të migrimit vitet e fundit. Ky shtet disa nga rregullat më të vështira të emigracionit në Evropë, ku ka mundësi që më të mos pranojnë asnjë emigrantë.
