Tifozët e Djajëve të Kuq kanë filluar përpjekjet për sigurim të biletave për të parë debutimin e dytë historik të Cristiano Ronaldos në Manchester United fundjavën e ardhshme.
Ylli portugez do të kthehet në shtëpi të shtunën, më 11 shtator, kur United do të pres Newcastle me fillim nga ora 15:00.
Kthimi i Ronaldos ka ndezur një rritje kaotike të kërkesës për bileta, ku faqet e internetit jo-zyrtare të rishitjes kanq vënë çmimederi në 800 euro për të parë edhe një herë 36 vjeçarin.
Çmimet e biletave në platformën e rishitjes Stubhub arritën në 2 mijë e 900 euro, shkruan DailyMail, transmeton Klankosova.tv.
United megjithatë u ka bërë thirrje tifozëve të mos blejnë nga faqet e internetit të rishitjes së biletave, në mënyrë të mos përballen me komplikime në marrjen e biletave të tyre.
“Ne i dekurajojmë fuqishëm tifozët që të blejnë bileta nga burime të paautorizuara”, tha një zëdhënës.
“Këto bileta janë shpesh të pavlefshme, duke i lënë tifozët pa para, të zhgënjyer dhe të paaftë për të parë ndeshjen”.
