Kurti: Çelësi i zbardhjes së fatit të të pagjeturve është hapja e arkivave serbe.
Kështu beson kryeministri i Kosovës Albin Kurti.
“Neve na duhet ta zbardhim fatin e të të pagjeturve, e për këtë ne duhet të hapim arkivat në Beograd, sepse vrasjet e varrosjet e masakrave e më pastaj zhvarrosjet nuk janë bërë nga qytetarët serb, por nga shteti i Serbisë në mënyrë të organizuara, e që janë në arkivat e Serbisë që duhet të hapen një orë e më parë” ka thënë Kurti gjatë ditës së hëne.
Veç kësaj, shefi i ekzekutivit ka pranuar se Kosova ka arkiv, porse e njëjta është e hapur kaherë.
“Kosova siç e dini që nga viti 1999 e këndej, kemi qenë nën administrim ndërkombëtar, pra vend më transparent e më të hapur se Kosova nuk ka, e ajo që duhet të hapet është Serbia”.
