Sekretari Amerikan i Shtetit, Antony Blinken, ka thënë se do të punojnë vazhdimisht për t’i nxitur marrëdhëniet mes Kosovës dhe Izraelit.
Ai në një takim virtual në platformën Zoom ka folur për njëvjetorin e nënshkrimit të marrëveshjeve të Abrahamit midis Izraelit, Emirateve të Bashkuara Arabe dhe Bahreinit.
“Kjo administratë do të vazhdojë përpjekjet e suksesshme të administratës së fundit për të vazhduar normalizimin përpara. Ne do ta bëjmë atë në tre mënyra kryesore. Së pari, ne do të ndihmojmë për nxitjen në rritjen e bashkëpunimt të Izraelit me Bahreinin, me Marokun, me Emiratet e Bashkuara Arabe si dhe me Sudanin, i cili gjithashtu ka nënshkruar Marrëveshjet e Abrahamit, dhe Kosovën, e cila krijoi lidhje me Izraelin në vitin e kaluar”,ka thënë Blinken, transmeton Klankosova.tv.
