Në Spitalin e Përgjithshëm të Pejës ka filluar të ketë ulje të numrit të pacientëve me COVID-19 që po trajtohen. Aktualisht në këtë spital po trajtohen gjithsej 176 pacientë me koronavirus.
“Ndonëse ende ka numrin më të madh të pacientëve ne nivel vendit, ka filluar të bije numri i pacientëve me Covid-19 në Spitalin e Përgjithshëm Pejë. Gjendja aktuale e pacientëve me Covid-19 më datë 11.09.2021: 176 pacientë janë të shtrirë, 153 pacientë janë në Oksigjenoterapi, 10 pacientë janë në CPAP, 49 pacientë ne gjendje të rëndë” njofton spitali në një postim në Facebook.
Kurse 22 pacientë janë shëruar dhe 12 të tjerë janë pranuar gjatë 24 orëve të fundit, njofton Klankosova.tv.
Tutje gjithashtu bëhet apel edhe për vaksinim.
