Presidenti i Kinës, Xi Jinping, dhe presidenti amerikan, Joe Biden, do të zhvillojnë një takim virtual në fillim të javës, njoftoi Ministria e Jashtme kineze të shtunën.
Shtëpia e Bardhë lëshoi fillimisht një deklaratë mbi takimin, duke thënë se të dy udhëheqësit do të diskutojnë mënyrat për të menaxhuar me përgjegjësi konkurrencën dypalëshe dhe për të punuar së bashku aty ku përputhen interesat.
Sekretari amerikan i Shtetit, Antony Blinken, u tha gazetarëve se marrëdhënia e SHBA-së me Kinën ishte ndër më të rëndësishmet, shkruan DW, përcjell Klankosova.tv.
Kina dhe SHBA kanë bërë nxitje për bashkëpunim në të ardhmen, me Kinën që shpalli një pakt klimatik me SHBA-në më 10 nëntor. Megjithatë, tensionet mbi Tajvanin dhe tregtinë mbeten pika shqetësuese për të dy udhëheqësit.
