Kandidati i AAK-së për kryetar të komunës së Istogut, Bekë Berisha, ka vizituar sot fabrikën e suksesshme “Agroproduct” Sh.P.K. në Syne të Istogut.
Me këtë rast, Berisha ka premtuar mbështetje të pakursyeshme për bizneset në Istog, të cilat do të gjenerojnë vende të reja të punës.
Postimi i plotë i Berishës:
Sot, bashkë me stafin vizituam fabrikën e suksesshme “Agroproduct” Sh.P.K, në Syne të Istogut. Kompani shumë serioze dhe lider në treg, që merret me kultivimin e produkteve organike dhe eksportimin e tyre.
Me një traditë rreth dy dekada, kjo fabrikë është dëshmuar si storje e suksesit e komunës sonë dhe e tërë Kosovës.
Drejtori i fabrikës z. Halit Avdijaj na njoftoi për shtrirjen, zhvillimin dhe potencialin e punës që ka ky biznes i sukseshëm në komunën tonë.
Një pjesë të produkteve të cilat kultivohen gjatë vitit të fundit kanë vendosur t’i përpunojnë në lloje të ndryshme të çajrave, ku ideatore e një suksesi tjetër krahas Agroproduktit është vajza e z.Halitit, Erblina Avdijaj.
Duke i përgëzuar për punën e mirë, i njoftova se do të kenë mbështetje të pakursyeshme nga Komuna e Istogut, për veprimtarinë e tyre dhe veprimtaritë e tilla të cilat zhvillohen në Komunën tonë, e të cilat më pas do të gjenerojnë vende të reja të punës.
Bashkë për zhvillim dhe ndryshim të Istogut!
