Ekrem Arifi, ish-anëtar i Kryesisë së Lidhjes së Komunistëve të Kosovës, sot në Klan Kosova është shprehur se Vuçiqi dhe Daçiqi janë fëmijë të Millosheviqit.
Ai tha mendësia e Millosheviqit jeton thellë tek Vuçiqi dhe Daçiqi.
“Vuçiqi dhe Daçiqi janë fëmijë të Millosheviqit, prandaj ata nuk dallojnë. Mendësia e Millosheviqit jeton tek ata thellë, por në kushte krejt tjera dhe në rrethana krejt tjera. Fatkeqësia më e madhe e popullit serb që sot kanë në krye dy njerëz që gënjejnë shumë”, u shpreh ai.
Tutje, tha se Vuçiqi ka probleme brenda, duke u shprehur se ka filluar t’i lëkundet karriga, përcjell Klankosova.tv.
“Vuçiqi ka probleme të veta brenda, atij ka filluar t’i lëkundet karriga, ai është një ndër kriminelët, po shihet, bashkëpunëtor më i madh i kriminelëve në Serbi, mafia e Serbisë po e mbanë atë”, u shpreh tutje ai.
Rrini të informuar mbi zhvillimet kryesore duke u bërë pjesë e komunitetit tonë në Viber.
