Dëshmitari i tretë në rastin e Salih Mustafës, e ka përfunduar dëshminë e tij para trupit gjykues të Dhomave të Specializuara të Hagës.
Për këtë arsye seanca e nesërme është anuluar, pasi dëshmia e dëshmitarit të tretë e cila parashihej të mbahej edhe nesër, ka përfunduar sot, njofton Klankosova.tv.
Ndryshe dëshmitari sot gjatë deklarimit të tij, ka thënë se pasojat e asaj që i ka përjetuar gjatë luftës, vazhdon t’i ketë edhe sot.
“S’muj me fjet…shoh ëndrra. Këto gjëra janë përjetime shumë të rënda janë të tmerrshme të cilat i barti edhe sot. Një film nëse e shoh, me luftë ose diçka, kur shkoj në mbrëmje të flej, natën çona, djersitna shumë mi kujton ngjarjet, më vijnë zërat e njerëzve që më kanë torturuar”.
