Nëse Kylian Mbappe nënshkruan me Real Madridin në ditën e afatit të transferimit, nuk do të jetë hera e parë që klubi madrilen ka bërë një lëvizje të madhe në orët e fundit të afatit kalimtar.
Los Blancos janë duke e ndjekur yllin francez për një kohë të gjatë tani dhe nëse ai përfundon transferimin e tij në Estadio Santiago Bernabeu të martën, ai do të bashkohet me një listë të lojtarëve që kanë bërë lëvizje të minutës së fundit në Madrid.
Gareth Bale u transferua nga Tottenham Hotspur në ditën e fundit të afatit kalimtar në 2013, Ronaldo Nazario u nënshkrua nga Interi në 2002, dhe Sergio Ramos nga Sevilla në ditën e fundit në 2005.
Real Madridi u djersit pasi negocioi me Interin për nënshkrimin e Ronaldos në 2002. Florentino Perez duhej të punonte i çmendur deri në momentet e fundit për të arritur një marrëveshje me palën italiane, por më në fund nënshkroi brazilianin për 45 milionë euro.
Lajmet rreth nënshkrimit të Sergio Ramos filluan të shpërthenin rreth orës 17:00 në ditën e fundit të dritares – një orë shumë më e rehatshme për të negociuar një marrëveshje të tillë, shkruan Marca, transmeton Klankosova.tv.
Spanjolli nënshkroi për 27 milionë euro nga Sevilla dhe vazhdoi të shijojë 16 vite të ngarkuar me trofe në Bernabeu.
Ramos u transferua në Paris Saint-Germain këtë verë pasi i skadoi kontrata e tij në kryeqytetin spanjoll.
Nëse Real Madridi e merr në këtë formë Mbappen, ai do të bashkohet me një listë të lojtarëve të tjerë që janë transferuar në ditën e fundit të mercatos.
